Daniel M. Berté : Eya pou Lik André ! Eya ! 

Eya pou Lik André ! Eya ! 

Limajinasyon lib adan powézi-a
I té ka matjé mo kon sa ka ékri-ya
Konsi sé flanm-difé ka monté an syel-a

Atjòlman Lik foukan monté o Golgota,
Niyaj gwo kawo, metafè a la ba,
Direksyon lenfini, véyatif o konpa,
Rakonté ba lé zanj sa’y fè anlè tè-a,
Epi matjé ba-yo an mod akròstich-la

Respé ba’w misié Lik, chapo ba
Eternel an tjè-nou ou ka’y toujou la
Sav kon tout bon vivan ki nou pa ka ped fwa
Pou suiv flanbo’w-la ki montré larel-a
Eya pou Lik André ! Eya !


Daniel M. Berté 13/11/26

   Lire Plus