— Par Daniel M Berté/ —
YO té za tou touni
Douvan gran kon piti
Anlè plaj pa isi
Di Mardi o Lendi
Ni yonndé moun ki ri
Pas an bann kochonni
Mété kò-YO touni
Pou fè fotografi
An lot konpanyi di
Sé respé YO pa ni
Ba moun ek ba péyi
Ki di-YO bienvini
Dot kriyé sa sifi
Ka sòti la’w sòti
Ensilté lanati
Trop vakabonajri
Dji di si sété li
Sé fret anlè zizi
Epi dé kout fizi
Pou pran lavol disi
Si nou pa réyaji
Nou tout ka’y rété pri
Kon an bann titiri
Adan filet lelmi
Pliziè fwa nou sirpri
Pas nou té ka dòmi
YO chayé no piti
Adan lamèw patri
Ejèn Mona té di
An janr de profési
Sé vérité jòdi
« An tet YO lé’w touni »