— Par Daniel M. Berté —
Lé vakans ka rivé
Belparlè, dousinè
Branlè épi prélè
Tout moun-an za paré
Lé vakans balansé
Kranè é reskiyè
Dansè épi kaliè
Tout moun an wélélé
Lé vakans ka chofé
Banmbochè, salsayè
Konmpaè, mazoukè
Tout moun-an ka soukwé
Lé vakans ka woulé
Bivè épi manjè
Granfalè ek ronmiè
Tout moun ka brè-manjé
Lé vakans ka alé
Vòlè, dévalizè
Malfentè, couyonnè
Tout an aktivité
Lé vakans ka maché
Randonè, pronmènè
Vwayajè, drivayè
Tout moun ka déplasé
Lé vakans ka boujé
Zoukè, kizonmbè
Bidjinè, ratbalè
Tout moun-an ka pran pié
Daniel M. Berté 181116