— Par Daniel M. Berté —
Konmen? Men konmen sa ka fè?!
Di mwen konmen!!!
Konmen frèt YO lévé anlè’w,
Pliché lapo do’w ek manjé lachè’w?
Konmen chenn YO maré an pié’w
Pou té sa anpéché’w foukan?
Konmen fè YO brilé an do’w
Pou té matjié’w kon an zannimo?
Konmen chien YO ladjé an tjou’w
Pou sa ritouvé’w lè’w té ka chapé?
Konmen zorèy, bra épi jaré,
YO koupé pas zot té mawon?
Konmen mépri YO vréyé ba zot
Wou épi manman’w, papa’w, frè’w èk sè’w?
Konmen lajan YO fè épi zot?
Yo té ka vann zot, trété zot kon bèf!
Konmen doulè é konmen laswè
Ki sèvi fimié adan piès kann-YO?
Konmen san épi konmen mò
Ki fè YO an Frans té ka manjé sik?
Konmen?!… Konmen?!…
Es zot pé estimé tousa?
Tousa vo tro chè !
Tousa pa ni pri !
Nou pa négosié !
Nou fè 22 Mé !
Daniel M. Berté 1998