— Par Daniel M. Berté —
YO vòlè la limiè
YO vòlè la limiè
Man adan gran fènwè
Man kon papa-vètè
Ka ranpé anba tè
Dépi sétè-di-swè
Bètafé pa wè klè
Kabritbwa ni gro-tjè
Zagriyen an priyè
Sé an sel gran nwèsè
Ki ka vlopé Latè
Ka pati ora tè
Ka monté jik anlè
Tout ti zétwal pran pè
Man Lalin fè dèyè
Lédéef a larè
Pil ek lanp bat dèyè
Pran-nou Manman-Latè
Fè-nou janbé lanmè
Epi fret ek mizè
YO fè-nou djoubak tè
Pou lang YO met bawriè
Pou mes fè machawriè
Fè-nou obliyé yiè
Mété-nou an malè
Koko-zié-mwen ouvè
Pli gran ki an kléwriè
Poutan man pa ka wè
YO mété-mwen an nwè
Jòdi man ka pran fè
Pou tousa man pa fè
Mézanmi mi zafè
YO vòlè la limiè
Daniel M. Berté 20225