— Par Daniel M. Berté —
An Lafrik…
A Cap Vert… A El Mina
A Gorée… A Ouidah
A Axim… A Cabinda
A Fernando Po… A Loanda
A Sao Tomé… A Malimba
A Loango… A Benguela
Sé la YO tjenbé Neg
Sé la YO maré Neg
Sé la YO bastonné Neg
Sé la YO matjé Neg
Sé la YO batjé Neg
Sé la YO ankalé Neg
An Latlantik…
La YO fè « le grand passage »
La YO fè Neg travèsé
La YO fè Neg alé-san-viré
La YO fè Neg vonmi fiel
La YO fè Neg désann an lanfè
La YO fè pli gran simitjè
Sé la YO fwété Neg
Sé la YO anviolé Neg
sé la YO pijé tjou Neg
Sé la YO maté révolt Neg
Sé la YO pann an verg Neg
Sé la YO fouté andlo Neg
An Lanmérik…
An Lwiziàn… An Matinik
An Kiba… An Virjini
An Gwadloup… An Dominik
An Djiyàn… An Sentlisi…
An Trinidad… An Jamayik…
An Brézil… An Ayiti
Sé la YO espwaté Neg
Sé la YO chankanné Neg
sé la YO kotonné Neg
Sé la YO mawtirizé Neg
Sé la YO mitilé Neg
Sé la YO sasiné Neg Daniel M. Berté 130222