— Par Daniel M. Berté —
Maché-kouri an bra lavi
Kouri-maché bra lévé
adan Sité lapli
adan danjé lari
adan violans lavi
adan virilans lelmi
adan tè Louvèti
Maché-kouri an bra lavi
Kouri-maché bra lévé
vansé vitman présé
vansé zantray maré
vansé bonda séré
vansé janm tranblé
vansé tet angwasé
Maché-kouri an bra lavi
Kouri-maché bra lévé
adan Soley-sité
adan diplisité
adan konplosité
adan rapasité
adan latrosité
Maché-kouri an bra lavi
Kouri-maché bra lévé
douvan movezté ganngé
douvan britalité ganngé
douvan violman ganngé
douvan vanjans ganngé
douvan dékalans ganngé
Maché-kouri an bra lavi
Kouri-maché bra lévé
anlè fil lapè
anlè fil lakolè
anlè fil ladoulè
anlè fil li malè
anlè fil la firè
Maché-kouri an bra lavi
Kouri-maché bra lévé
douvan lé bal ka tjwé
douvan raj déblozé
douvan koutla filé
douvan lanmò difé
douvan lé kò brilé
Maché-kouri an bra lavi
Kouri-maché bra lévé
an péyi boulvèsé
an péyi soufransé
an péyi dominé
an péyi déchiré
an péyi débiélé
Maché-kouri an bra lavi
Kouri-maché bra lévé
pou lespwa an lapé
pou lespwa ritouné
pou lespwa ritouvé
pou lespwa fraternité
pou lespwa Libèté
Maché-kouri an bra lavi
Kouri-maché bra lévé