— Par Daniel M. Berté —
Lanné pasé telman man kriyé
Man pété kod vocal-mwen
Adan an kannaval pa koté Bòdkannal
Anmizasion ? Avéglasion ? Aksion ?
Lanné pasé telman man maché
Man izé plat pié-mwen
Kon an mòso lakré si tablo lékolié
Manifestasion ? Kontestasion ? Opozision ?
Lanné pasé telman man anrajé
Man ladjé kolè-mwen
Kon mové lariviè andidan gran lanmè
Protestation ? Barajizasion ? Déterminasion ?
Lanné pasé telman man gadé
Man krévé an zié-mwen
Kon vié soulié izé afos i pòté
Kontanplasion ? Kouyonnizasion ? Vizion ?
Lanné pasé telman man touché
Man tjenbé lanmen-mwen
Kon kotjen an pòch vowrien
Volasion ? Arestasion ? Lopsion ?
Lanné pasé telman man kouté
Man bouché zorey-mwen
Kon boutey épi bouchon-fey
Féknwouzasion ? Antétasion ? Sispision ?
Lanné pasé telman man pléré
Man rété kon Sasa, benyen
Dan an potchanm-pisa pa koté Godisa
Dézolation ? Makakriyasion ? Lémosion ?
Lanné démil-venndé man pran twa rézolision
Pokosion d’atansion a tout kontaminasion
Evitasion d’ kontravansion dé fos de réprésion
Soustraksion d’la dominasion di la kovidasion
Daniel M. Berté 291221