— Par Daniel M. Berté —
chan koton,
chan kafé,
chan kann,
chan mizè…
An solitid-mwen…
An solitid-mwen…
adan chan koton-yo,
malè-mwen ka pléré,
malè-mwen ka lévé,
malè-mwen ka palé…
adan chan doulè-mwen…
adan chan doulè-mwen…
an solitid-mwen,
adan chan kafé-yo,
doulè-mwen ka monté,
doulè-mwen ka kriyé,
doulè-mwen ka palé…
adan chan soufrans-mwen…
adan chan soufrans-mwen…
An solitid-mwen,
adan chan kann-yo,
soufrans-mwen ka pété,
soufrans-mwen ka rélé,
soufrans-mwen ka palé…
adan chan dévenn-mwen…
adan chan dévenn-mwen…
An solitid-mwen,
adan chan mizè-yo,
dévenn-mwen ka pézé,
dévenn-mwen ka krazé,
dévenn-mwen ka palé…
adan chan détres-mwen…
adan chan détres-mwen…
Chan doulè…
Chan soufwans…
Chan malè…
Chan détres…
Chan lé chan…
Chan lé chan…
Chan lé chan… Daniel M. Berté 30426