Lé mawchè (Pou lé douz-an)

— Par Daniel M. Berté —

Kat gran nonm Sentespri
Ki sé dé bon zami
Ka maché ka wondi
Lé bon-maten Sanmdi
Ek Mèwkrédi osi

Prèmié ki koumansé
Sété Daniel Berté
Raymond Mac vin apré
Epi Fardin René
Gérard Mimi dènié

Yo ka vansé anpil
An kawtié, an lavil
Délè yo ka’y ajil
Dot lè sa mwen fasil
An touka yo trankil

Pou moun yo rankontré
Sé Lé Spòwtif yo yé
Dot Trio yo nonmé
Sé Lé kat kavalié
De Lapokalips dènié

Twa Awkanj yo ka sanm
Dapré an gran madanm
Twa mousketèw ansanm
Piske yo ni bon janm
Ek ki yo ni bel ganm

Lè près fini maché
Pawkouw spòwtif rivé
La yo ka rankontré
Lé Sénatè sanblé
Bel pawol ka tonbé

Yo paw mon ek paw vo
Yo ka palé an lo
Ti-Pridan ka ba yo
Dé bel vè dlo-koko
Man ka li text pou yo

Ant yo ni andjélad
Epi bon rigolad
Lè yonn di yo malad
Lézot ni latranblad
Sé dé bon kanmarad

Daniel M. Berté 110819

Illustration de l’auteur