— Par Daniel M. Berté —
Kelkiswa batiman
Fok sav piti kon gran
Aprann ki enportan
Pou pé alé douvan
Bel ganm pa ka pasé
Sé pa lapenn karé
Fòm tet pa ka konté
Sa’y adan’y ki pézé
Siwtou pa matébis
Pa suiv lé mové pis
Pou alé fè vié vis
Fè toujou sa ki jis
Lé mové konséyè
Sé pa yo lé péyè
Montré zot ni valè
Rété dwet a tout lè
Respekté anségnan
Personnel ankadran
Ek chef détablisman
Toulong ek toulitan
Dépi Kovid rivé
Sitiyasion mové
Mé pa dézespéré
Jes-bawriè respekté
Ki zot an prézansiel
Oben an distansiel
Sav sa ki ésansiel
Sé bien gadé larel
Sa ki pli potalan
Pou zot vini savan
Sé travay lé zanfan
Woulé douvan-douvan
Daniel M. Berté 130921