— Par Daniel M. Berté —
Divini zozio ?
Aimé Césaire té di
afos i gadé-yo, an pyébwa i divini
Mwen sé zozio man lé vini
afos gadé-yo épi lanvi
Si man té pé èt an zozio
kiles man té ka’y chwézi ?
Yonn ki ni gro-gran kri
oben an tou piti ?
Sa ka rilévé défi
ek afronté lelmi ?
Yonn ka volé isi
oben jik lenfini ?
Tala ki ni plim gri
ek ki rayi lapli ?
Sila ki évité pri
adan an piej lagli ?
Malfini ki ka souri
lé Jili ka fè kokinri épi Anri ?
Sisi ki ka sanfui
jik Sentlisi lè’y wè fizi ?
Kayali ki ka di
ki titiri sé kochonni ?
Grigri ki ka dòmi
an lépini Sentmari ?
Pewdri ki ka kouri
an lari Sentespri ?
Pipiri ki ka pini
sa ki touché yich-li ?
Bengali ki ka ri
douvan an mango mi ?
Koulibri ki pati
pou étenn lensandi ?
Anpil bòn volonté man ni
pou kon zozio man sa pati
pou alé fè an bel wondi
Jis an tet-mòn Fonsendini
Men jiskisi man ka santi
man pa ka’y rivé réyisi
Zozio sa red a divini
sa pa fasil pies mé zanmi
Si dé bel zel man té ni
man té ka’y pé pati
Fè tousa man anvi
volé lwen dan lanati
Men an tè sek man pri
san pies zespwa di sòti
Man pito kon an chini
ka ranpé dousman a labri
Kò zozio man pa ni
men lespri’y, sa man ni
Lespri Malfini épi ta Sissi
lespri Kayali épi ta Grigri
Lespri Pewdri épi ta Pipiri
lespri Bengali épi ta Koulibri
Ek épi tousa man ka di
lè-mwen bèlébien réfléchi
Epi sa man ékri
man pé volé osi
Fè chimen man anvi
kouri ver lavini
Man pé vwayajé dri
di bonmaten a minui
Kon tout zozio ki ni isi
lib, jik an bout lavi
Daniel M. Berté 40426