— Par Daniel M. Berté —
Yòl « Laparès » ki ni pwèl an lanmen, pa té lé godiyé
Yòl « Lakolè » lévé-faché sérié, trapé vwèl déchiré
Yòl « Lanvi » gadé épi gro zié, èk pèd dé bwadrésé
Yòl « Lorgèy » ki di janmen ladjé, i fè gran-ma’y pété
Yòl « Lavaris » rété lanmen fèmen, men pran bon dlo salé
Yòl « lagourmandiz » fè agoulou granfal, pri an kalmisiré
Yòl « Lenpirté » ki té ni lanmen sal, djòl anba chalviré
.
Yòl « Lafwa » di kouraj lé koursié, nou ni an sèl bousòl
Yòl « Lèspérans » di manma’y pa moli, annou kolé zépòl
Yòl « Lacharité » di ki sé yon à lòt, pou nou pé pran lavòl
Yòl « Lajistis » di si sé ta’w pran’y, si sé pa ta’w, pa fòl
Yôl « Lapridans » di annou moli an ma’y pou nou pa pété djòl
Yòl « Latanpérans » di pasé ou bwè alkòl, sisé an sinobòl
Yòl « Lafòs » di annou sanblé manmay pou an bèl touw-dé-yôl
Daniel M. Berté 240713